امت نیوز ڈیسک//
سرینگر: پولیس نے بتایا کہ دھماکہ ایک مقامی مکان میں رکھے ہوئے ردی اور کباڑ میں ہوا۔ دھماکہ زوردار تھا جس سے کئی مکانوں کے شیشے ٹوٹ گئے۔ ابتدا مین کہا گیا تھا کہ مشتبہ عسکریت پسندوں نے کرالپورہ کے قریب ایک اسٹکی بم چلایا، اس حملے میں علاقہ کے ،تعدد گھروں کی کھڑکیوں کے شیشے ٹوٹ گئے۔ وہیں سکیورٹی فورسز نے موقع پر پہنچ کر حملہ آوروں کو پکڑنے کے لیے محاصرے اور تلاشی کارروائی شروع کی۔
وہیں بڈگام پولیس نے تفصیلات دیتے ہوئے بتایا کہ آج صبح سات بجکر 45 منٹ پر کرالپورہ میں دھماکہ کی آواز سنائی دی تھی۔ اس علاقہ میں اقلیتی خاندان بھی رہتے ہیں۔ مشتبہ دھماکے کے بعد ایس ایس پی بڈگام اور بم ڈسپوزل ٹیم جائے وقوعہ پر پہنچ گئے۔ اس حادثہ میں کوئی جانی نقصان نہیں ہوا۔ پولیس کے مطابق ابتدائی تحقیقات سے پتہ چلتا ہے کہ پرانے عمارتی سامان یا اسکریپ میں موجود سامان پھٹنے سے زوردار آواز سُنئی گئی تھی۔ وہیں پولیس کے مطابق اس واقعہ کی مزید تفتیش جاری ہے۔
