کشمیر سے دفعہ 370 کی منسوخی پر او آئی سی کا بیان متعصبانہ ہے: بھارت

سرینگر//دفعہ 370کی منسوخی کی تیسری برسی پر اسلامی تعاون تنظیم کے بیان کو مسترد کرتے ہوئے کہا ہے کہ کشمیر بھارت کا اٹوٹ حصہ ہے اور رہے گا۔ اس ضمن میں وزارت خارجہ کے ترجمان ارندم باگچی نے کہا کہ او آئی سی کا بیان مضحکہ خیز ہے اور بھارت کے اندررونی معاملات میں مداخلت ہے ۔ اسلامی تعاون تنظیم کے جنرل سیکرٹریٹ کے ایک بیان کا جواب دیتے ہوئے وزارت خارجہ نے کہا ہے کہ جموں اور کشمیر کا مرکزی علاقہ ہندوستان کا اٹوٹ اور ناقابل تنسیخ حصہ ہے اور رہے گا۔ وزارت خارجہ کے سرکاری ترجمان، ارندم باغچی نے کہا، جموں و کشمیر پر اسلامی تعاون تنظیم (او آئی سی) کے جنرل سکریٹریٹ کی طرف سے آج جاری کردہ بیان تعصب کو ظاہر کرتا ہے۔ آرٹیکل 370 اور ارٹیکل 35 اے کی منسوخی کی تیسری سالگرہ کے موقع پر جس نے جموں و کشمیر کو ہندوستانی آئین میں خصوصی حیثیت دی تھی، اوآئی سی سی جنرل سیکرٹریٹ نے جموں و کشمیر پر اقوام متحدہ کی سلامتی کونسل (یو این ایس سی) کی قراردادوں پر عمل درآمد کے مطالبے کا اعادہ کیا۔ انہوں نے کہا کہ "5 اگست کو ہندوستان کے غیر قانونی طور پر مقبوضہ جموں و کشمیر میں کئے گئے غیر قانونی اور یکطرفہ اقدامات کی تیسری برسی منائی، جس کے بعد غیر قانونی آبادیاتی تبدیلیوں سمیت اضافی غیر قانونی اقدامات کئے گئے۔ پریس ریلیز میں مزید کہا گیا کہ اس طرح کے غیر قانونی اقدامات نہ تو جموں و کشمیر کی متنازعہ حیثیت کو تبدیل کر سکتے ہیں اور نہ ہی کشمیری عوام کے حق خود ارادیت کو متاثر کر سکتے ہیں۔ اس تبصرے کا جواب دیتے ہوئے باغچی نے کہا، جموں و کشمیر کا مرکزی علاقہ ہندوستان کا اٹوٹ اور ناقابل تنسیخ حصہ ہے اور رہے گا۔ انہوں نے کہا کہ او آئی سی جنرل سیکرٹریٹ، تاہم، انسانی حقوق کی خلاف ورزی کرنے والے اور سرحد پار، علاقائی اور بین الاقوامی دہشت گردی کو فروغ دینے والے بدنام زمانہ ملک کے کہنے پر جموں و کشمیر پر بیانات جاری کرتا رہتا ہے۔ انہوں نے مزید کہا، اس طرح کے بیانات صرف او آئی سی کو ایک ایسی تنظیم کے طور پر بے نقاب کرتے ہیں جو دہشت گردی کے ذریعے فرقہ وارانہ ایجنڈے پر عمل پیرا ہے۔