امت نیوز ڈیسک //
سرینگر کے نوہٹہ علاقے میں سکیورٹی فورسز اور عسکریت پسندوں کے درمیان گذشتہ روز ہوئے تصادم میں زخمی پولیس اہلکار نے دوران علاج آج ہسپتال میں دم توڑ دیا۔ اس تصادم میں ایک عسکریت پسند بھی زخمی ہوا ہے۔
سرینگر: جموں و کشمیر کے دارالحکومت سرینگر کے نوہٹہ علاقے میں گذشتہ روز سکیورٹی فورسز اور عسکریت پسندوں کے مابین تصادم میں زخمی پولیس اہلکار نے آج ہسپتال میں دم ٹوڑ دیا۔ کشمیر پولیس زون نے ٹیوٹ میں لکھا کہ پولیس کانسٹیبل سرفراز احمد ساکن بٹوٹ جو گذشتہ روز عسکریت پسندی کی کارراوئی میں زخمی ہوا تھا، نے آج ہسپتال میں دوران علاج دم توڑ دیا۔ انہوں نے مزید کہا کہ ہلاک ہوئے پولیس اہلکار کی قربانی کو ہمیشہ ہمیشہ یاد رکھا جائے گا۔
واضح رہے کہ گذشتہ روز سرینگر کے نوہٹہ علاقہ میں سکیورٹی فروسز اور عسکریت پسندوں کے درمیاں مختصر تصادم ہوا تھا۔ اس تصادم میں ایک عسکریت پسند زخمی ہوا تھا، جب کہ ایک پولیس اہلکار بھی زخمی بھی ہوا جو آج دوران علاج زندگی کی جنگ ہار گیا۔ پولیس نے جائے وقوعہ سے عسکریت پسندوں کی جانب اے استعمال میں لائی گئی گاڑی (اسکوٹر) ضبط بھی کر لی ہے۔ اس کے علاوہ ایک اے کے 74 رائفل اور دو گرینیڈ برآمد ہوئے ہیں۔
