امت نیوز ڈیسک //
جموں و کشمیر کے سابق وزیر اعلیٰ اور نیشنل کانفرس کے صدر فاروق عبداللہ نے پیر کو آل پارٹیز میٹنگ منعقد کرنے کا اعلان کیا ہے۔ فاروق عبداللہ نے کہا کہ پیر کے صبح گیارہ بجے اس میٹنگ کو انعقاد کیا جارہا ہے اور بی جے پی کے بغیر تمام سیاسی جماعتوں کو مدعو کیا گیا ہے۔
جموں و کشمیر کے سابق وزیر اعلٰی اور نیشنل کانفرس کے صدر فاروق عبداللہ نے پیر کو آل پارٹیز میٹنگ منعقد کرنے کا اعلان کیا ہے۔ یہ میٹنگ جموں و کشمیر میں غیر مقامی باشندوں کو ووٹنگ حقوق دینے کے پس منظر میں منعقد کی جارہی ہے۔ فاروق عبداللہ نے کہا کہ پیر کے صبح گیارہ بجے اس میٹنگ کو انعقاد کیا جارہا ہے اور بی جے پی کے بغیر تمام سیاسی جماعتوں کو مدعو کیا گیا ہے۔
یاد رہے کہ آج پی ڈی پی صدر محبوبہ مفتی نے پریس کانفرنس میں کہا تھا کہ انہوں نے نیشنل کانفرس کے صدر فاروق عبداللہ کو فون کرتے ہوئے التجا کی کہ وہ اس معاملے پر آل پارٹیز میٹنگ بلاکر مستقبل کا لائحہ عمل مرتب کیا جائے۔
قابل ذکر ہے کہ جموں و کشمیر کے چیف الیکٹورل افسر ہردیش کمار سنگھ نے گزشتہ روز جموں میں پریس کانفرس میں کہا کہ غیر مقامی باشندے جو جموں و کشمیر میں نوکری، تجارت، مزدوری یا کوئی بھی کام کرنے سے غرض سے یہاں رہائش پذیر ہے اسمبلی انتخابات میں ووٹ ڈالنے کے اہل ہے۔
