(سرینگر) ٹورازم ڈیپارٹمنٹ کی جانب سے سیاحت کوفروغ دینے اور ملکی و غیرملکی سیاحوں کوراغب کرانے کے ضمن میں صحت افزاء مقام ویری ناگ میں ایک فیسٹول کاانعقادکیاگیا جس میں لوگوں کی ایک بڑی تعداد نے شرکت کی۔ اس موقعے پرجہاں نوجوانوں نے مختلف کھیلوں کے کرتب دکھائے اوررنگا رنگ پروگرام بھی پیش کئے وہیں سیاحت کوفروغ دینے کے سلسلے میں مقامی لوگوں نے محکمہ سیاحت کی جانب سے منعقدکئے گئے فیسٹول پراطمنان کااظہار کرتے ہوئے مطالبہ کیاکہ ویری ناگ میں کئی صحت افزاء مقامات تھے جنہیں سیاحتی نقشے پرلانے اور سیاحوں کودور جدید کی سہولیات بہم رکھنے کی اشدضرورت ہے۔ فیسٹول کے موقعے پرڈپٹی کمشنراننت ناگ اورڈائریکٹر ٹورازم ڈاکٹرغلام نبی ایتو نے منعقد کی گئی تقریب سے خطاب کرتے ہوئے کہاکہ جموںو کشمیر میں بالعموم اور وادی کشمیرکے لئے سیاحت ریڈکی ہڈی کی حیثیت رکھتاہے اورسیاحوں کوراغب کرانا ہم سب کی جہاں ذمہ داری ہے وہی ٹورازم ڈیاپرٹمنٹ کی جانب سے سیاحت کوفروغ دینے کے سلسلے میں کئی طرح کے اقدامات اٹھائے جارہے ہیں۔ ڈائریکٹر ٹور ازم نے کہاکہ سیاحت کوفروغ دینے سے روز گار کے مواقعے بھی دستیاب ہورہے ہے، نوجوان ٹورازم شعبےکی طرف راغب ہوکرجہاں روز گار حاصل کررہے ہیں وہی سیاحت کوبھی فروغ دینے میں اپنی خدمات انجام دے رہے ہیں۔ انہوں نے کہا کہ سیاحت کوفروغ دینے کے سلسلے میں ہرمکتب ہائی فکر سے تعلق رکھنے والے لوگوں کو اپنی ذمہ داریاں ادا کرنے کی ضرورت ہے۔
