(پلوامہ) ضلع پلوامہ کے پنزگام علاقے میں قائم ریلوے اسٹیشن میں تعنیات پولیس اہلکار پر مشتبہ عسکریت پسندوں نے حملہ کیا، تاہم پولیس اہلکار اس حملہ میں بال بال بچ گئے۔ سرکاری ذرائع کے مطابق عسکریت پسندوں نے ہفتہ کو ضلع پلوامہ کے پنزگام علاقے میں ایک ریلوے پولیس پوسٹ میں موجوداہلکار پر گولی چلائی۔ انہوں نے بتایا کہ پولیس اہلکار محفوظ رہے۔ وہیں پولیس اورفورسز اہلکاروں نے نزدیکی ڈوگری پورہ گاؤں کو گھیرے میں لے لیا۔ انہیں اطلاع ملی کہ عسکریت پسند اسی گاؤں کے اندر داخل ہوئے تھے۔ افسر نے مزید کہا کہ گاؤں کو گھیرے میں لے لیا گیا ہے اور تلاش جاری ہے۔
