(بڈگام) ضلع بڈگام میں پولیس نے چوروں کے ایک گینگ کا پردہ فاش کرتے ہوئے 07 ارکان کی گرفتاری کے سات لاکھوں روپے کی مسروقہ املاک بھی برآمد کرنے کا دعویٰ کیا ہے۔ پولیس بیان کے مطابق یکم دسمبر 2021کو پولیس اسٹیشن ماگام کو ایک شخص منصور احمد شیخ والد غلام نبی شیخ ساکن بٹہ پورہ کانہامہ کی جانب سے ایک شکایت موصول ہوئی تھی کہ اگری کلان ماگام میں واقع ان کی ورکشاپ "منصور آٹو موبائلز” میں چوری کی ایک واردات پیش آئی ہے. اس سلسلے میں پولیس نے ایف آئی آر زیرِ نمبر 254/2021 درج کر کے قانون کے متعلقہ دفعات کے تحت پولیس اسٹیشن ماگام میں تفتیش شروع کردی گئی۔ اطلاعات کے مطابق، ایک خصوصی ٹیم انسپکٹر گوہر احمد ایس ایچ او تھانہ ماگام کی سربراہی میں تشکیل دی گئی جن کو چوری کا سراغ لگانے کے لیے تشکیل دیا گیا جس کے دوران سخت کوششوں کے بعد کچھ مشتبہ افراد کو پوچھ گچھ کے لیے پکڑا گیا۔ جس دوران ایک ملزم عمران حسن میر ولد منظور احمد میر ساکن ککرپورہ میرگنڈ پٹن نے مذکورہ کیس میں اپنے ملوث ہونے کا اعتراف کیا اور اس کے انکشافات سے اس کے مزید دو ساتھیوں یاور عباس ملک ولد عاشق حسین ملک ساکن لشکر محلہ نشاط اور اعجاز احمد ملہ ولد غلام محمد ملہ ساکن دیور پرہاسپورہ کو بھی گرفتار کیا گیا۔ ان سب نے مجرمانہ سازش رچی اور جرائم کی واردات میں بڑھ چڑھ کر حصہ لیا۔ ان تینوں ملزمان نے تفتیش کے دوران پولیس کے سامنے اظہار کیا کہ انہوں نے چوری شدہ مال کہاں چھپایا ہے جس کے بعد پولیس نے سید اختر شاہ ولد سید مصطفیٰ شاہ ساکن پریہاس پورہ پٹن کی تحویل سے مال برآمد کیا جو کہ اس نے اپنے ورکشاپ واقع شادی پورہ کراسنگ میں ڈمب کر کے رکھا تھا۔ اس کیس میں گرفتار شدہ ملزمان سے مزید تفتیش کرنے پر انہوں نے اپنے دوسرے ساتھیوں کا نام بتایا جو اس جرم میں ان کے ساتھ تھے۔ پولیس نے ان مزکورہ افراد کو گرفتار کر کے ان سے مزید مال ضبط کر لیا ہیں جن ملزمان سے چوری شدہ املاک ضبط کی گئی ان کی شناخت پرویز احمد گورو ولد عبدالاحد گورو ساکنہ نارائن باغ گاندربل اور عرفان حسین صوفی ولد مظفر احمد صوفی ساکنہ ڈب گاندربل کے بطورِ ہوئی ہیں۔ اس کے علاوہ جو مزید مال برآمد ہوا ہیں وہ عمران حسن میر کے گھر سے ہوا ہے جو اس نے ٹین کے ایک شڈ میں چھپا کے رکھا تھا۔ ان ملزمان کی مسلسل پوچھ گچھ کرنے پر مزید ایک افراد جس کا نام ذوالفقار احمد ڈار ولد غلام حسین ڈار ساکن ژیعنہ بل میر گنڈ پٹن کے بطورِ ہوئی ہے، نے چوری کی اس واردات میں حصہ لیا تھا۔ ساتھ ہی اپنی نجی گاڑی ماروتی الٹو 800 زیر رجسٹریشن نمبر PB10 AG_9210 کو اس جرم کو انجام دینے میں استعمال کیا ہے۔ اس گاڑی کو وسن کنگن گاندربل سے ضبط کر لیا گیا ہے۔
Budgam Police busts gang of burglars; 07 arrested; stolen property worth more than 05 lakhs recovered.@JmuKmrPolice @KashmirPolice pic.twitter.com/AYGb9Y40QT
— BUDGAM POLICE (@BudgamPolice) December 4, 2021
