(کولگام) ضلع کولگام کے ریڈونی بالا میں سکیورٹی فورسز اورعسکریت پسندوں کے درمیان تصادم شروع ہونے کی اطلاع ہے۔تفصیلات کے مطابق ضلع کولگام کے ریڈونی بالا میں سکیورٹی فورسز کو چند عسکریت پسندوں کی موجودگی کی مصدقہ اطلاع موصول ہوئی تھی، جس کے بعد سکیورٹی فورسز نے علاقہ کو محاصرہ میں لیا اور تلاشی کاروائی شروع کی۔تلاشی کاروائی کے دوران علاقہ میں چھپے عسکریت پسندوں نے سکیورٹی فورسز پر فائرنگ کی جس کے بعد دونوں طرف سے فائرنگ کا تبادلہ شورع ہوا۔ذرائع کے مطابق علاقہ میں دو سے تین عسکریت پسند موجود ہیں۔ سکیورٹی فورسز نے علاقہ میں لائٹس نصب کی ہیں۔فی الحال علاقہ میں فائرنگ کا سلسلہ تھم گیا ہے۔ (مزید تفصیلات کا انتظار ہے۔)
