(پلوامہ) پولیس نے ضلع پلوامہ میں پانچ کلو وزنی آئی ای ڈی کو بر آمد کرنے کے بعد اس کو ناکارہ بنا کر ایک بڑے سانحے کو ٹالنے کا دعویٰ کیا ہے۔ پولیس کے ایک ترجمان نے کہا کہ ایک مصدقہ اطلاع پر کارروائی کرتے ہوئے پلوامہ پولیس، فوج کی 50 آر آر اور سی آر پی ایف کی 183 بٹالین کی ایک مشترکہ ٹیم نے پلوامہ کے وانپورہ علاقے میں نیوا- سری نگر روڈ پر تلاشی آپریشن شروع کر دیا۔ ترجمان نے بتایا کہ آپریشن کے دوران سڑک کے کنارے پر لگائی گئی ایک آئی ای ڈی کو بر آمد کیا گیا جس کا وزن قریب پانچ کلو تھا۔ آئی ای ڈی بر آمد ہوتے ہی بم ناکارہ بنانے والی ایک ٹیم کو جائے موقع پر طلب کیا گیا جس نے اس دھماکہ خیز مواد کو بغیر کوئی نقصان پہنچائے ناکارہ بنا دیا۔ پولیس نے اس ضمن میں ایک کیس درج کیا ہے اور بعض مشکوک افراد کو پوچھ گچھ کے لئے حراست میں لیا گیا ہے۔
Pulwama Police averted major tragedy. Acting on a specific information Pulwama Police along with 50 RR & 183 BN CRPF found an IED of approx. 5kg assembled in a container planted on Newa Srinagar road. However, BD squad of Police & Army destroyed it on spot @JmuKmrPolice
— Pulwama Police (@ssppul) December 23, 2021
