(سرینگر) پارمپورہ فروٹ منڈی کے نزدیک بائی پاس پر دو فوجیوں کوتیز رفتار ٹرک نے زور دار ٹکر ماری جس وجہ سے دونوں شدید طورپر زخمی ہوئے اور بعد میں ایک اہلکار کی اسپتال میں موت واقع ہوئی. اطلاعات کے مطابق آج صبح 163ٹریٹوریل آرمی سے وابستہ اہلکار شاہراہ کا جائزہ لے رہے تھے کہ اسی اثنا میں ایک تیز رفتار ٹرک نے دو اہلکاروں کو زور ددار ٹکر ماری ۔خون میں لت پت اہلکارو ں کو علاج ومعالجہ کی خاطر نزدیکی اسپتال منتقل کیا گیا تاہم ڈاکٹروں نے سنجے کمار نامی فوجی اہلکار کو مردہ قرار دیا ۔حادثے میں زخمی ہوئے دوسرے اہلکار کی شناخت رفیق احمد کے بطور ہوئی ہے۔پولیس ذرائع نے بتایا کہ ڈرائیور جائے موقع سے فرار ہوا ہے تاہم ٹرک زیر نمبر (JKO3J /3811)کو تحویل میں لے کر مفرور ڈرائیور کی تلاش شروع کی گئی ہے۔
