(بڈگام) بڈگام ضلع کے کھاگ علاقے میں لاپتہ فوجی اہلکار کی لاش برآمد کی گئی ہے۔ یاد رہے تین روز قبل فوجی اہلکار اچانک گھر سے لاپتہ ہوگیا تھا۔ جموں کشمیر جیک لائی(JKLI) میں ڈرائیور کے طور پر کام کرنے والا سمیر احمد ملا ولد محمد یعقوب ساکنہ لوکی پورہ بڈگام 7 مارچ پیر کے روز گھر سے اچانک لاپتہ ہوگیا تھا۔
فوجی اہلکار سمیراحمد اس وقت جموں میں تعینات تھا اور اپنی اہلیہ کی جراحی کے لئے تعطیل پر اپنے گاؤں آیا تھا۔ پولیس کے اعلیٰ حکام نے تصدیق کی ہے کہ مذکورہ فوجی اہلکار کی لاش کھاگ علاقہ سے برآمد ہوئی ہے، پولیس پارٹی موقع پر پہنچ کر لاش اور دیگر معاملات کا جائزہ لے رہی ہے۔
