(سرینگر) سرینگر میں اتوار کے روز نامعلوم وجوہات کی بناء پر مشہور سنڈے مارکیٹ بند رہا ۔اتوار کی صبح جب سینکڑوں ریڑہ بان اپنا سامان فروخت کرنے کے لئے ٹی آر سی کراسنگ سے تاریخی لال چوک تک لگنے والے سنڈے مارکیٹ پہنچے تو وہاں پر اُنہیں اپنے ساتھیوں نے آگاہی فراہم کی کہ آج سنڈے مارکیٹ کو بند رکھنے کا فیصلہ لیا گیا ہے۔ جب سنڈے مارکیٹ کو بند رکھنے کی وجہ جاننے کے لئے سینئر عہدیداروں سے رابطہ قائم کیا گیا تو انہوں نے وجہ ظاہر کرنے سے انکار کرتے ہوئے کہا کہ ہم ہر ایک بات میڈیا کے ساتھ شیئر نہیں کرسکتے۔
