(سرینگر) سرینگر کے نوگام علاقے میں مشتبہ عسکریت پسندوں اور فورسز اہلکاروں کے درمیان فائرنگ کا تبادلہ شروع ہوگیا۔ سینئر پولیس عہدیدار کے مطابق ’باوثوق اطلاع کی بنیاد پر فورسز نے نوگام کے شنکرپورہ علاقے کو محاصرے میں لیکر تلاشی مہم شروع کی۔انہوں نے بتایا کہ ’تلاشی مہم کے دوران جیسے ہی فورسز کی ٹیم مشتبہ مقام پر پہنچی تو عسکریت پسندوں نے فورسز پر فائرنگ شروع کردی جس کے بعد جوابی فائرنگ بھی کی گئی۔ تازہ اطلاع کے مطابق فورسز اور عسکریت پسندوں کے درمیان فائرنگ کا تبادلہ جاری ہے۔وہیں پولیس ذرائع کے مطابق علاقے میں دو یا تین عسکریت پسندوں کے چھپے رہنے کی اطلاع کے بعد کاروائی کی گئی۔
