(سرینگر) سرینگر کے شنکرپورہ نوگام علاقے میں بدھ کو فورسز اہلکاروں کے ساتھ ایک تصادم میں لشکر طیبہ سے وابستہ تین جنگجو مارے گئے ہیں۔ پولیس حکام نے بتایا کہ نوگام میں ایک آپریشن میں لشکر طیبہ کے تین عسکریت پسند مارے گئے۔ کشمیر زون پولیس نے ایک ٹویٹ کر کے بتایا کہ تصادم کی جگہ سے بھاری مقدار میں اسلح و گولہ بارود برآمد کیا گیا ہے۔
#SrinagarEncounterUpdate: 02 more #terrorists killed (Total 03). #Incriminating materials including arms & ammunition recovered. Search going on. Further details shall follow.@JmuKmrPolice https://t.co/N0TrIUOiAN
— Kashmir Zone Police (@KashmirPolice) March 16, 2022
انسپکٹر جنرل آف پولیس کشمیر وجے کمار نے کہا کہ لشکر طیبہ کے یہ تینوں عسکریت پسند کھنموعہ سرینگر کے سرپنچ سمیر بٹ کی حالیہ ہلاکت میں ملوث تھے۔ اس سے قبل پولیس نے بتیا تھا کہ ایک مخصوص اطلاع پرفورسز کی مشترکہ ٹیم نے علاقے میں محاصرے اور تلاشی کی کارروائی شروع کی۔ جب فورسز کی مشترکہ ٹیم نے مشتبہ جگہ کی تلاشی کا عمل تیز کیا تو چھپے ہوئے عسکریت پسندوں نے فورسز پر گولی چلائی جس کے بعد تصادم شروع ہوا اور تین جنگجو مارے گیے۔
