(شوپیاں) ضلع شوپیاں کے ترکہ وانگام علاقے میں گزشتہ رات سے فورسز اور جنگجووں کے مابین جاری گولیوں کے تبادلے میں جنگجو مارا گیا ہے۔
#ShopianEncounterUpdate: 01 #terrorist killed. #Operation in progress. Further details shall follow. @JmuKmrPolice https://t.co/VTeJk2N6BU
— Kashmir Zone Police (@KashmirPolice) April 1, 2022
پولیس ترجمان نے بتایا کہ جمعرات کی شام کو فورسز نے مصدقہ اطلاع موصول ہونے کے بعد شوپیاں کے ترکہ وانگام علاقے کو محاصرے میں لے کر جنگجو مخالف آپریشن شروع کیا۔جونہی فورسز کے اہلکاروں نے مشتبہ مقام کی اورپیش قدمی شروع کی تو وہاں پر موجود جنگجووں نے حفاظتی عملے پر اندھا دھند فائرنگ شروع کی۔فورسز نے بھی پوزیشن سنبھال کر جوابی کارروائی کا آغاز کیا جس دوران دو طرفہ گولیوں کا تبادلہ شروع ہوا اور رات دیر گئے ایک جنگجو مارا گیا۔ جنگجو کی ہلاکت کے ساتھ ہی فورسزنے آپریشن کو ختم کر دیا ہے.
