حیدر پورہ سرینگر میں سڑک حادثہ: سی آر پی ایف اہلکار ہلاک، 12زخمی

(سرینگر) حیدر پورہ میں کل رات ایک ٹرک نے فورسز کی گاڑی کو ٹکر مار دی جس کے نتیجے میں ایک سی آر پی ایف اہلکار کی موت ہو گئی جبکہ ایک درجن دیگر زخمی ہو گئے۔ تفصیلات کے مطابق آئی کیو مال حیدر پورہ کے قریب ایک ٹرک نے سی آر پی ایف کی گاڑی کو ٹکر مار دی جس کے نتیجے میں 12فوجی اہلکار زخمی ہو گئے۔ تمام زخمی سی آر پی ایف اہلکاروں کو کمپوزٹ اسپتال بی ایس ایف ایس ٹی سی ہمہامہ منتقل کیا گیا جہاں ایک کانسٹیبل جس کی شناخت ایم این منی کے طور پر کی گئی زخموں کی تاب نہ لاتے ہوئے دم توڑ گیا، ذرائع نے بتایا کہ سی آر پی ایف کے دو جوانوں کی شناخت اے ایس آئی جسراج اور کانسٹیبل سوشانت بسواس کے نام سے ہوئی ہے جنہیں 92 بیس اسپتال بادامی باغ اور زخمی ٹرک کنڈکٹر کو علاج کے لیے ایس ایم ایچ ایس اسپتال منتقل کر دیا گیا ہے۔ زخمیوں کی شناخت منجیش کمار، ڈرائیور ہیمراج سینی، سوشانت بسواس، گنگا رام، انسپکٹر آشیش مشرا، اے ایس آئی جسراج بٹی، سوشانت کمار سوین، دلیپ کمار، شیو کمار، پرمود کیرو، گیان پرکاش اور سول ٹرک کے کنڈکٹر تنویر حسین ڈار ولد غلام حسین ڈار ساکن بلہامہ سرینگر کے طور پر ہوئی ہے۔ پولیس نے اس سلسلے میں ایک کیس درج کر لیا گیا ہے اور مزید تفتیش شروع کر دی گئی ہے۔