امت نیوز ڈیسک // جموں و کشمیر کے سرمائی دارالحکومت جموں کے ستواری علاقے میں پولیس تھانے کی عمارت رات میں آگ کی واردات کے بعد پوری طرح سے جل کر خاکستر ہوگئی جبکہ پولیس کی جانب سے تحویل میں لی گئی متعد د گاڑیاں اور موٹر سائیکل بھی آگ کی لپیٹ میں آکر تباہ ہوگئیں۔
متعدد گاڑیاں جل کر خاکسترمتعدد گاڑیاں جل کر خاکسترسرکاری ذرائع نے بتایا کہ 4 اور 5 جون کی درمیانی رات کو جموں کے ستواری پولیس اسٹیشن کی عمارت سے آگ کے شعلے بلند ہوئے اور دیکھتے ہی دیکھتے آگ نے پوری عمارت کو اپنی لپیٹ میں لے لیا۔ انہوں نے بتایا کہ پولیس اسٹیشن میں تعینات عملے اور فائر اینڈ سیفٹی محکمہ کے اہلکاروں نے اگر چہ فوری طور پر کارروائی شروع کی تاہم آگ کی تپش کے باعث اُنہیں مشکلات کا سامنا کرنا پڑا جس وجہ سے چند منٹوں کے اندر اندر پوری عمارت خاکستر ہوئی۔متعدد گاڑیاں جل کر خاکسترمتعدد گاڑیاں جل کر خاکسترسرکاری ذرائع نے مزید کہا کہ آگ کی اس واردات کے دوران نہ صرف پولیس تھانے کی عمارت کو نقصان پہنچا بلکہ تحویل میں لی گئی متعدد گاڑیاں اور موٹر سائیکل بھی اس کی زد میں آگئے اور وہ بھی خاکستر ہوئے ہیں۔ پولیس ذرائع نے بتایا کہ ابتدائی تحقیقات کے دوران معلوم ہوا ہے کہ شارٹ سرکٹ کی وجہ سے آگ لگی تاہم اس حوالے سے مزید تحقیقات شروع کر دی گئی ہے۔
