امت نیوز ڈیسک : وسطی کشمیر کے بڈگام ضلع کے چاڈورہ علاقے میں جمعہ کی شب کو ایک نوجوان کو پراسرار حالت میں مردہ پایا گیا۔ پولیس ذرائع نے بتایا کہ دوران شب ان کو اطلاع ملی کہ سرسیار میں ایک نوجوان کی لاش ملی ہے اور اسے مقامی لوگوں نے سب ضلع اسپتال چاڈورہ لے جایا گیا ہے اور ڈاکٹروں نے اس کا طبی معائنہ کر کے اسے مردہ قرار دیا ہے۔
پولیس نے اس نوجوان کی شناخت لطیف احمد تیلی ولد عبدالاحد تیلی ساکن ڈاڈ اومپورہ چاڈورہ کے طور پر بتائی ہے۔پولیس نے اس ضمن میں ایک کیس درج کیا ہے اور اس واقعے کی جانچ پڑتال کر رہے ہیں. وہی لاش کی طبی اور قانونی لوازمات پورہ کرنے کے بعد اس کی تدفین کے لئے اپنے لواحقین کے سپرد کر دی گئی ہے
