دبئی: پاکستان کے سابق فوجی آمر اور صدر جنرل (ریٹائرڈ) پرویز مشرف کی طبیعت انتہائی نازک ہونے کے بعد انہیں ڈاکٹرس نے وینٹی لیٹر پر منتقل کر دیا ہے۔ جیو نیوز نے جمعہ کو یہ اطلاع دی۔
مختلف طبی پیچیدگیوں میں مبتلا سابق فوجی حکمران کو دل اور صحت کے دیگر مسائل کے باعث ہسپتال منتقل کیا گیا تھا۔
ڈاکٹرس نے بتایا کہ انہیں جمعہ کو دبئی کے ایک اسپتال میں وینٹی لیٹر پر رکھا گیا ہے۔ انہیں مصنوعی طریقے سے آکسیجن دی جارہی ہے تاہم ان کی حالت نازک بنی ہوئی ہے۔
قبل ازیں ان کی موت کی اطلاعات گشت کرنے لگی تھیں جس کے بعد ارکان خاندان نے ٹویٹر پر اطلاع دی کہ پرویز مشرف کی حالت انتہائی نازک بنی ہوئی ہے اور اس مرحلہ میں صحت یابی ممکن نہیں ہے۔
انہوں نے عوام سے جھوٹی خبریں نہ پھیلانے کی اپیل کی ہے۔
