امت نیوز ڈیسک // ضلع کولگام کے ڈی ایچ پورہ علاقے میں سکیورٹی فورسیز اور عسکریت پسندوں کے درمیان انکاؤنٹر جاری ہے۔ پولیس کے ایک ترجمان نے بتایا کہ پولیس، فوج اور سی آر پی ایف کی مشترکہ ٹیم نے اتوار کے روز کولگام کے دمحال ہانجی پورہ گاؤں کو محاصرے میں لے کر عسکریت پسند مخالف آپریشن شروع کیا ہے۔
اطلاعات کے مطابق پولیس اور فوج کی مشترکہ ٹیم نے گجر پورہ میں محاصرے اور تلاشی کی کارروائی شروع کی۔ جیسے ہی فورسز کی مشترکہ ٹیم مشتبہ مقام پر پہنچی، عسکریت پسندوں نے فورسز پر گولی چلانی شروع کر دی جس کے بعد پولیس نے جوابی کارروئی شروع کردی۔ اس کارروائی میں دو عسکریت پسندوں کے مارے جانے کی خبر ہے۔ عسکریت پسندوں کی شناخت حارث شریف ساکن سری نگر اور کولگام کے ذاکر پیڈر کے طور پر ہوئی ہے۔
ایک سینیئر پولیس افسر نے کو عسکریت پسندوں اور سکیورٹی فورسز کے درمیان فائرنگ کے تبادلے کی تصدیق کرتے ہوئے کہا کہ پولیس، فوج اور سی آر پی ایف کی مشترکہ ٹیم پر عسکریت پسندوں نے فائرنگ شروع کر دی، جس کے بعد جوابی کارروائی میں گولیوں کا تبادلہ شروع ہو چکا ہے۔ فی الحال آپریشن جاری ہے.
