امت نیوز ڈیسک // سب کی نظریں بھارت اور جنوبی افریقہ کے درمیان بنگلور میں کھیلے جانے والے پانچویں اور فیصلہ کن ٹی ٹوئنٹی میچ پر تھیں کیونکہ اس میچ سے سیریز کے فاتح کا فیصلہ ہونا تھا، لیکن بارش کی وجہ سے میچ منسوخ کر دیا گیا۔ اس کے ساتھ ہی بھارت اور جنوبی افریقہ کے درمیان کھیلی گئی 5 میچوں کی ٹی ٹوئنٹی سیریز 2-2 سے ڈرا ہوگئی ہے۔ بنگلور میں ہونے والے ٹی ٹوئنٹی میچ میں جنوبی افریقہ نے ٹاس جیت کر گیند بازی کا فیصلہ کیا تھا۔ ٹیم انڈیا بلے بازی کے لیے اتری لیکن کچھ دیر بعد بارش شروع ہوگئی۔ اس میچ میں صرف 3.3 اوور ہی پھینکے جا سکے تھے اس وقت ٹیم انڈیا کا اسکور دو وکٹوں کے نقصان پر 28 رنز تھا۔
