پہلگام: معروف سیاحتی مقام پہلگام میں تارسر جھیل کے نزدیک ٹریکنگ کر رہے مقامی ٹورسٹ گائیڈز اور سیاحوں پر مشتمل ایک گروپ خراب موسمی حالات کی وجہ سے پھنس گیا تھا۔
پولیس اور ضلع انتظامیہ نے فوری طور پر ریسکیو آپریشن شروع کر کے 11 افراد کو کافی مشقتوں کے بعد بچا لیا جبکہ جمعرات کی صبح گاندربل سے تعلق رکھنے والے ٹورسٹ گائیڈ کی لاش کو بازیاب کر لیا گیا ہے۔ وہیں اتراکھنڈ سے تعلق رکھنے والے غیر مقامی سیاح ابھی بھی لاپتہ ہے۔
پہلگام کے تحصیلدار ڈاکٹر محمد حسین نے تفصیلات فراہم کرتے ہوئے ہوئے کہا کہ مسلسل بارشوں کے سبب یہاں کے ندی نالوں میں پانی کے بہاؤ میں اضافہ ہوا ہے۔ انہوں نے کہا کہ دوران شب کچھ ٹریکر تارسر علاقہ میں پھنس گئے جس کے بعد ضلع انتظامیہ نے ریسکیو آپریشن شروع کیا۔
انہوں نے مزید کہا کہ این ڈی آر ایف، ایس ڈی آر ایف، پولیس اور مقامی لوگوں نے علاقہ میں آج صبح ریسیکو آپریشن شروع کیا جس کے بعد کافی کوششوں کے بعد 11 افراد کو بچا لیا گیا۔انہوں نے مزید کہا کہ ریسکیو ٹیم کو لاپتہ ہوئے دو فراد کا کوئی سراغ نہیں ملا۔وہیں جمعرات کی صبح لاپتہ افراد میں سے ایک مقامی ٹورسٹ گائیڈ گگنگیر، گاندربل سے تعلق رکھنے والے شکیل احمد کی لاش کو بازیاب کر لیا گیا۔ جبکہ اتراکھنڈ کے ڈاکٹر مہیش ہنوز لاپتہ ہے اور ان کی تلاش جاری ہے۔ خدشہ ظاہر کیا جا رہا ہے ہے کہ ڈاکٹر مہیش بھی جھیل میں غرقاب ہو چکے ہونگے۔
