امت نیوز ڈیسک // مہاراشٹر کے وزیر اعلیٰ ادھو ٹھاکرے نے اپنے عہدے اور قانون ساز کونسل کی رکنیت سے استعفی نے دیا۔ اس سے قبل سپریم کورٹ نے گورنر بھگت سنگھ کوشیاری کے حکم کو برقرار رکھتے ہوئے فلور ٹیسٹ پر مہر لگائی تھی۔
واضح رہے کہ شیوسینا نے مہاراشٹر کے گورنر بھگت سنگھ کوشیاری کے فلورٹیسٹ کے حکم کو سپریم کورٹ میں چیلنج کیا تھا اور فلور ٹیسٹ پر پابندی لگانے کی اپیل کی تھی۔ تاہم سپریم کورٹ نے گورنر بھگت سنگھ کوشیاری کے فلور ٹیسٹ کے حکم کو برقرار رکھا ہے۔
ایک متعلقہ درخواست میں، سپریم کورٹ نے وزیر نواب ملک اور سابق وزیر انیل دیشمکھ کو مہاراشٹر اسمبلی کے فلور ٹیسٹ میں شامل ہونے کی اجازت دی۔ بنچ نے کہا کہ "چونکہ درخواست دہندگان ED اور CBI کی تحویل میں ہیں۔ اس لیے دونوں ایجنسیوں کو ہدایت دی جاتی ہے کہ وہ درخواست گزاروں کو ودھان سبھا ہال لے جائیں۔
واضح رہے کہ مہاراشٹر میں جاری سیاسی بحران کے دوران ریاست کے گورنر بھگت سنگھ کوشیاری نے جمعرات کے روز فلور ٹیسٹ کرنے کا حکم جاری کیا تھا۔ شیو سینا نے گورنر کے فیصلے کو سپریم کورٹ میں چلینج کیا تھا۔ جسٹس سوریہ کانت اور جسٹس جے بی پاردی والا کی دو رکنی بنچ نے شیو سینا کی طرف سے پیش ہونے والے سینیئر ایڈووکیٹ ابھیشیک منو سنگھوی کی عرضی کو قبول کرتے ہوئے اس پر سماعت کی۔ سینیئر وکیل ڈاکٹر سنگھوی نے فوری سماعت کی درخواست کی تھی۔ انہوں نے کہا تھا کہ جمعرات صبح 11 بجے فلور ٹیسٹ ہونا ہے۔ اس لیے ان کی (شیو سینا رکن کی) عرضی پر فوراً سماعت کی جانی چاہیے۔
