سرینگر: جموں و کشمیر کی سابق وزیر اعلیٰ اور پیپلز ڈیموکریٹک پارٹی (پی ڈی پی) صدر محبوبہ مفتی نے ہفتہ کو ایک بار پھر لیفٹیننٹ گورنر انتظامیہ کو تنقید کا نشانہ بنایا۔
جموں و کشمیر لیفٹیننٹ گورنر منوج سنہا کو اپنے ایک ٹویٹ میں ’ٹیگ‘ کرتے ہوئے محبوبہ نے لکھا: ’’جموں و کشمیر کی معیشت کا 2019 سے ہی برا حال ہے اور اب قومی شاہراہ پر سیکورٹی کے بہانے اس (کشمیر کی معیشت) کو مزید بگاڑا جا رہا ہے۔‘‘
’سیکورٹی کے نام پر کشمیر کی معیشت کو تباہ کیا جا رہا ہے‘ٹویٹمحبوبہ مفتی نے ٹویٹ میں مزید لکھا: ’’تمام ٹرانسپورٹرز، چاہے وہ گوشت سپلائی کرنے والے ہوں یا پھر میوہ سپلائی کرنے والے ہوں، سب کو بڑے پیمانے پر نقصان ہو رہا ہے۔‘‘
واضح رہے کہ امرناتھ یاترا کے آغاز کے ساتھ ہی وادی کے مختلف اضلاع سے قومی شاہراہ پر مال بردار گاڑیوں کو روکے جانے کی خبریں موصول ہو رہی ہیں۔جس کی وجہ سے تاجروں نے مال خراب ہونے کی شکایت کرتے ہوئے انتظامیہ سے مشکلات کا ازالہ کرنے کی گزارش کی ہے۔
گزشتہ روز مٹن ڈیلران نے دعویٰ کیا تھا کہ بیرون ریاستوں سے وادی کشمیر لائے جانے والے بھیڑ بکریوں سے لدے ٹرکس کو شاہراہ پر گھنٹوں تک روکا جا رہا ہے۔
وہیں ایشیاء کی دوسری سب سے بڑی فروٹ منڈی سوپور میں کسانوں اور میوہ صنعت سے جڑے تاجرین نے بھی ’’سیکورٹی کے نام پر مال بردار گاڑیوں کو شاہراہ پر درماندہ‘‘ رکھے جانے پر انتظامیہ کے خلاف احتجاج کیا۔
