سری نگر// ریاستی تحقیقاتی ایجنسی (ایس آئی اے) نے اتوار کی صبح وسطی کشمیر کے بڈگام ضلع کے بولات بیرواہ علاقے میں چھاپہ مار کاروائی انجام دی۔
نیوز ایجنسی کشمیر ڈاٹ کے مطابق ایجنسی کے اہلکاروں نے بولات بیرواہ کے رہنے والے فیاض احمد ولد علی محمد کے گھر پر چھاپہ مارا جسے ایس آئی اے جموں نے گرفتار کیا تھا۔
تفصیلات کے مطابق جموں کے ایس آئی اے پولیس تھانہ میں درج ایک کیس کے سلسلے میں تلاشی لی جارہی ہے۔
فیاض کو رواں سال 11 جون کو گرفتار کیا گیا تھا اور ایجنسی کی جانب سے ان سے تفتیش کی جا رہی ہے۔
