امت نیوز ڈیسک ///
نوگام کے ٹینگن علاقے میں پیر کی صبح ایک سڑک حادثے میں ایک شخص کی موت ہو گئی، جبکہ اس کی اہلیہ اور کمسن بیٹا زخمی ہو گئے۔
نیوز ایجنسی- کشمیر نیوز آبزرور (کے این او) نے سرکاری زرائع کے حوالے سے بتایا کہ لقمہ اجل بنے شخص کی شناخت محمد رفیق (عمر 32)، اہلیہ صفورا بیگم (عمر30) اور 02 سالہ بیٹا محمد عامر ساکنہ راجوری کے طور پر ہوئی ہے۔
اُنہوں نے بتایا کہ ٹینگن نوگام علاقے میں ان کی گاڑی کی ٹکر ایک تیز رفتار ٹپر سے ہوئی،جس میں تینوں شدید زخمی ہو گئے۔
ان کا کہنا تھا کہ زخمیوں کو علاج کے لیے ایس ایم ایچ ایس ہسپتال لے جایا گیا تاہم وہاں پہنچنے پر ڈاکٹروں نے محمد رفیق کو مردہ قرار دے دیا۔ رفیق کی اہلیہ اور بیٹا ہسپتال میں زیر علاج ہیں اور ان کی حالت مستحکم بتائی جارہی ہے۔
دریں اثناءپولیس نے اس سلسلے میں مقدمہ درج کر کے مزید تفتیش شروع کر دی ہے۔
