سرینگر / //بمنہ سرینگر میں آگ کی ایک بھیانک واردات میں کم سے کم آدھ درجن مکانات کو نقصان پہنچا ہے جبکہ آگ کی واردات میں لاکھوں روپے مالیت کا سامان راکھ کے ڈھیر میں تبدیل ہوا ہے ۔ سرینگر کے بمنہ علاقے میں نوندریش کالونی میں پیر کو آگ لگنے سے کم از کم چھ مکانات کو نقصان پہنچاہے ۔ ذرائع نے بتایا کہ آگ نمودار ہونے سے وہاں کہرام مچ گیا اور لوگوں نے آگ بجھانے کی کوشش کی تاہم آگ ایک کے بعد ایک مکان کو اپنی لیپٹ میں لیتی گئی ۔ ذرائع نے بتایا کہ فائر اینڈ ایمرجنسی ڈپارٹمنٹ کے ساتھ پولیس اور دیگر محکموں کے علاوہ شہریوں نے آگ پر قابو پانے کی کوشش کی تاہم تب تک یکے بعد دیگر چھ ماکان کو نقصان پہنچا جس کے نتیجے میں ان مکانات میں موجود لاکھوں روپے کی املاک خاکستر ہوئی۔ ذرائع نے بتایا کہ آگ لگنے کی وجہ شارٹ سرکٹ بتائی جاتی ہے، تاہم تحقیقات کا آغاز کر دیا گیا ہے۔دوسری جانب مقامی لوگوں نے متاثرہ خاندانوں کے لیے معاوضے کا مطالبہ کیا ہے۔
