امت نیوز ڈیسک/
نئی دہلی: وزارت دفاع کے مطابق بھارت چین کور کمانڈر سطح کی میٹنگ کے 16ویں دور میں طے پانے والے معاہدے کے مطابق، دونوں افواج گوگرہ ہاٹ اسپرنگس (پی پی 15) کے علاقے سے مربوط اور منصوبہ بند طریقے سے انخلاء شروع کر دیا ہے جو سرحدی علاقوں میں امن اور سکون کے لیے سازگار ہے۔
اس سے پہلے، چشول-مولڈو بارڈر میٹنگ پوائنٹ پر بھارت چین کور کمانڈر سطح کی میٹنگ کے 16 ویں دور کے ایک دن بعد، وزارت دفاع نے پیر کو کہا تھا کہ دونوں فریقوں نے سفارتی ذرائع سے بات چیت جاری رکھنے پر اتفاق کیا ہے۔ اس کے علاوہ نے دونوں فریقوں نے تصدیق کی ہے کہ باقی مسائل کے حل سے مغربی علاقے میں امن بحال کرنے میں مدد اور دو طرفہ تعلقات میں ترقی کو قابل بنایا جا سکتا ہے۔واضح رہے کہ مشرقی لداخ میں تصادم کے کئی مقامات پر بھارت اور چینی فوجی دو سال سے زیادہ عرصے سے ایک دوسرے کے خلاف ہیں۔ اعلیٰ سطح کی فوجی مذاکرات کے نتیجے میں دونوں فریق خطے کے کئی علاقوں سے پیچھے ہٹ گئے ہیں۔ تاہم تصادم کے بقیہ نکات پر تعطل کو حل کرنے میں فریقین کو کوئی کامیابی نہیں ملی ہے۔
