امت نیوز ڈیسک //
سرینگر:ڈپٹی انسپکٹر جنرل آف پولیس، سینٹرل کشمیر رینج، سُجیت کمار اور سینئر سپرانٹنڈنٹ آف پولیس، سری نگر، راکیش بلوال کو امرناتھ یاترا 2022 کے انعقاد پر شاندار کارکردگی پر سرٹیفکیٹ اور اعزاز سے نوازا گیا ہے۔
بلوال کو گزشتہ برس دسمبر میں ایس ایس پی سری نگر کے طور پر تعینات کیا گیا تھا اور جموں و کشمیر کے گرمائی دارالحکومت، سرینگر، میں پولیس اور عوام کے درمیان روابط استوار کرنے میں اہم کردار ادا کیا ہے۔2012 بیچ کے آئی پی ایس افسر، بلوال سری نگر میں سماجی جرائم سے نمٹنے میں سب سے آگے رہے ہیں۔
بلوال، جو اس سے قبل نیشنل انویسٹی گیشن ایجنسی میں خدمات انجام دے چکے ہیں، نے پلوامہ حملے کی تحقیقات میں کلیدی کردار ادا کیا تھا جس میں سی آر پی ایف کے 40 اہلکار مارے گئے تھے۔ڈی جی سی آر پی ایف کی ’’ڈسک‘‘ اور تعریفی سرٹیفکیٹ سے نوازے گئے دیگر پولیس افسران میں سُجیت کمار (ڈی آئی جی، سی کے آر)، زبیر احمد خان (ایس ایس پی، پی سی آر)، محمد یوسف (ایس ایس پی اونیت پور)، آشیش مشرا (ایس ایس پی اننت ناگ)، ڈاکٹر جی وی سندیپ چکرورتی (ایس ایس پی کولگام)، عارف امین شاہ (ایس پی ایچ کیو آر سری نگر)، مشتاق احمد (ڈی ایس پی)، فاروق حسین (ڈی ایس پی) اور شمیم احمد (ایچ سی (ایم) شامل ہیں ۔
