امت نیوز ڈیسک //
بجبہاڑہ: پی ڈی پی صدر محبوبہ مفتی نے آج اپنے آبائی علاقہ بجبہاڑہ کا دورہ کیا، جہاں پر انہوں نے جموں و کشمیر کے سابق وزیراعلیٰ اور اپنے والد مرحوم مفتی محمد سعید کے مزار پر حاضری دی۔ اس موقع پر ان کے ہمراہ ان کی بہن روبیہ سعید بھی موجود تھیں۔
محبوبہ مفتی نے میڈیا سے گفتگو کے دوران کہا کہ ‘جموں کشمیر کا بہت پیچیدہ ہے۔ پچھلے 75 برسوں سے جموں و کشمیر کی حالت کافی خراب ہے۔ اسے جیل میں تبدیل کر دیا گیا ہے جب کہ وادی کشمیر کے ہزاروں نوجوان نہ صرف کشمیر بلکہ ملک کی مختلف جیلوں میں قید و بند کی صعوبتیں جھیل رہے ہیں۔ محبوبہ مفتی نے کہا کہ ‘کشمیر میں کسی بھی مسئلہ پر بات کرنا مشکل ہو گیا ہے۔ یہاں ہر روز انکاونٹرز ہوتے ہیں، روز لوگ مرتے ہیں، مقامی لوگ تکلیف میں ہیں جب کہ کشمیر کی معشیت دن بہ دن گر رہی ہے۔ ان مسائل کو حل کرنا بے حد ضروری ہے۔’
انہوں نے مزید کہا کہ ‘ایسے میں اگر پاکستان کے وزیراعظم کشمیر مسئلے کا حل چاہتے ہیں اور ساتھ ہی پاکستان اور بھارت کے تعلقات بہتر چاہتے ہیں تو ایسا ضرور ہونا چاہیے، دونوں ملک اس وقت کافی پیچھے ہیں۔ اگر دونوں ساتھ بیٹھ کر کشمیر مسئلے کا حل نکالتے ہیں تو یہ خوش آئند بات ہوگی۔
