امت نیوز ڈیسک //
جنوبی کشمیر کے اونتی پورہ علاقے میں سیکورٹی فورسز نے حزب ملی ٹینٹ کو اسلحہ وگولہ بارود سمیت حراست میں لینے کا دعویٰ کیا ہے ۔
بتادیں کہ مذکورہ جنگجو نے امسال 29 ستمبر کو ملی ٹینٹ تنظیم میں شمولیت اختیار کی تھی۔
پولیس کے ایک ترجمان نے بتایا کہ مصدقہ اطلاع موصول ہونے کے بعد اونتی پورہ پولیس،42 آر آر، 130ویں بٹالین سی آر پی ایف نے جمعرات کے روز چندری گام کے نزدیک ناکہ لگایا جس دوران ایک نوجوان کو دبوچ کر اُس کے قبضے سے پستول ، پستول میگزین اور دیگر قابل اعتراض مواد برآمد کرکے ضبط کیا گیا۔
ترجمان نے کہاکہ دوران پوچھ تاچھ ملی ٹینٹ کی شناخت دانش محی الدین گنائی ولد غلام محی الدین ساکن ڈاڈسرہ اونتی پورہ کے بطور ہوئی ۔
اُن کے مطابق ابتدائی تحقیقات کے دوران معلوم ہوا ہے کہ مذکورہ ملی ٹینٹ نے 29 ستمبر 2022 کو حزب المجاہدین میں شمولیت اختیار کی تھی۔
پولیس نے معاملے کی نسبت کیس درج کرکے مزید تحقیقات شروع کی ۔
