امت نیوز ڈیسک //
سرینگر // جموں کشمیر میں آزادانہ اور شفاف اسمبلی انتخابات ہوں گے کا دعویٰ کرتے ہوئے مرکزی وزیر داخلہ امیت شاہ نے کہا q دفعہ 370 منسوخی کے بعدکوئی ہڑتال نہیں ہوئی ، اسکولوں میں بنا خلل تعلیمی جاری ہے جبکہ عسکریت پسندی ختم اور علیحدگی پسندوں کو جیلوں میں ڈال دیا گیا ۔ انہوں نے مزید کہا کہ مودی سرکار عسکریت کے خلاف زیرو ٹالرنس پر کار بند ہے اور جموں کشمیر میں بی جے پی پوری طاقت سے الیکشن لڑے گی۔ دورے جموں کشمیر کے دوران ایک انگریزی روزنامہ کو دئے گئے اپنے خصوصی انٹر ویوں میں مرکزی وزیر داخلہ امت شاہ نے کہا ہے کہ ہندوستان کے آئین کے آرٹیکل 370 کی منسوخی کے بعد سے پچھلے تین سالوں کے دوران، وزیر اعظم نریندر مودی کی ذاتی دلچسپی کی وجہ سے جموں و کشمیر نے تمام شعبوں میں بے مثال ترقی دیکھی ہے اور کہا کہ اسے نہ ختم ہونے والا عمل بنایا جائے گا۔انہوں نے مزید کہا کہ جموں کشمیر میں نہ صرف آزادانہ، منصفانہ اور شفاف اسمبلی انتخابات ہونگے بلکہ پہلی بار جموں کشمیر میں پنچایت سطح کے انتخابات بھی احسن طریقے سے منعقد ہوئے جس دوران لوگوں نے اپنے نمائندے از خود چونیں ۔ امیت شاہ نے کہا کہ تینوں خاندانوں نے 14 آئی لینڈ سیٹیں بنائیںلیکن حد بندی عمل کے بعد ان کیلئے اور یہ اجارہ داری اب حد بندی کمیشن نے ختم کر دی ہے۔ انہوں نے کہا کہ حکومت کے پاس انتخابات میں تاخیر کی کوئی وجہ نہیں ہے کیونکہ یہ الیکشن کمیشن سیکورٹی فورسز کی مشاورت سے کرائے گا۔بی جے پی کے ”مشن 50 “جموں کشمیر پر پہلی بار حکومت بنانے کے بارے میں شاہ نے کہا کہ عوام فیصلہ کریں گے کہ ہماری پارٹی کو کتنی سیٹیں ملتی ہیں لیکن جب بھی وہ پوری طاقت کے ساتھ منعقد ہوں گے ہم الیکشن لڑیں گے۔ کانگریس سے علیحدگی کے بعد جموں و کشمیر کے سابق وزیر اعلیٰ غلام نبی آزاد کی طرف سے نئی پارٹی کی تشکیل کا حوالہ دیتے ہوئے شاہ نے کہا کہ وہ ”تین خاندانوں کی حکمرانی “کے ٹیگ سے باہر آئے ہیں۔امیت شاہ نے مزید کہا کہ جموں و کشمیر کے لیے پچھلے 70 سالوں میں جو نہیں کیا جا سکا، وہ پچھلے تین سالوں میں ہو گیا ہے۔ ایمز ، آئی آئی ٹیز، اور کئی دوسرے تعلیمی ادارے کھولے گئے ہیں۔ 70 سالوں میں 15ہزار کروڑ روپے کی سرمایہ کاری کے مقابلے میں، اس کے بعد 56ہزارکروڑ روپے کی سرمایہ کاری آئی ہے۔ گزشتہ تین سالوں کے دوران امن کی بحالی کی وجہ سے ہی سرمایہ کاری ممکن ہوئی۔ اس سال 55 لاکھ سیاحوں نے جموں اور 22 لاکھ کشمیر کا دورہ کیا۔ جموں و کشمیر واحد ریاست / مرکز کے زیر انتظام ہے جہاں تمام لوگوں کو آیوشمان بھارت اسکیم کا فائدہ دیا گیا ہے۔ لیفٹنٹ گورنر منوج سنہا نے جموں و کشمیر کے تمام لوگوں کے لیے مفت آیوشمان بھارت فوائد کی تجویز پیش کی اور وزیر اعظم نریندر مودی نے اسے منظوری دے دی۔
