سری نگر: شمالی کشمیر کے کپواڑہ ضلع کے درگملہ گاؤں میں جمعہ کی شام ایک گاڑی سے ٹکرانے کے بعد ایک اسپیشل پولیس آفیسر (ایس پی او) زخموں کی تاب نہ لاتے ہوئے چل بسا۔
سرکاری ذرائع کے حوالے سے خبر رساں ایجنسی جی این ایس نے اطلاع دی ہے کہ کل شام کپواڑہ سری نگر ہائی وے پر ایک نامعلوم گاڑی کی ٹکر سے دو افراد زخمی ہو گئے۔ انہوں نے بتایا کہ دونوں کو قریبی اسپتال لے جایا گیا جہاں سے ایک محمد سرفراز کٹاریہ(28) ولد محمد مصری کٹاریہ ساکن کنی پورہ کلاروس کو شدید زخمی حالت میں SKIMS سری نگر ریفر کیا گیا۔ "رات بھر وہاں رہنے کے بعد، کٹاریہ آج صبح اپنے زخموں کی تاب نہ لاتے ہوئے چل بسا”، انہوں نے کہا کہ وہ بطور ایس پی او خدمات انجام دے رہا تھا اور فی الحال جے آئی سی کپوارہ میں تعینات تھے۔
انہوں نے بتایا کہ ایک اور شخص ارشاد احمد کھاری ولد محمد عبداللہ کھاری ساکن چیال پٹی درگمولہ زیر علاج ہے۔ ایک پولیس اہلکار نے واقعے کی تصدیق کرتے ہوئے کہا کہ واقعے کی تحقیقات کے لیے مقدمہ درج کر لیا گیا ہے۔
