امت نیوز ڈیسک //
جموں:منگل کو جموں کے ڈپٹی کمشنر آونی لواسا نے ایک حکم نامہ جاری کیا۔ جس میں کہا گیا ہے کہ اب جموں میں رہنے والا کوئی بھی شخص ووٹر بن کر اپنے ووٹ کا استعمال کرسکتا ہے، چاہے اس کے پاس اپنی رہائش ثابت کرنے کے لیے کوئی تجویز کردہ دستاویز نہ ہو۔ اگر ایسے لوگ پچھلے ایک سال سے کسی جگہ رہ رہے ہیں تو وہ وہاں سے اپنا ووٹر آئی ڈی بنوا سکتے ہیں۔ اس کے لیے متعلقہ تحصیلدار موقع پر جائے گا اور ان کی جانچ کرے گا اور سرٹیفکیٹ جاری کرے گا، جس کی بنیاد پر اس شخص کا ووٹر آئی ڈی بنایا جائے گا۔
حکم نامے میں کہا گیا ہے کہ ووٹر لسٹوں کا جائزہ 15 ستمبر سے شروع ہو گیا ہے اور الیکشن کمیشن آف انڈیا سے ووٹروں کی رہائش ثابت کرنے کے لیے بجلی، پانی یا گیس کنکشن، آدھار کارڈ، کسی بھی بینک یا پوسٹ آفس کی پاس بک، پاسپورٹ کے دستاویزات، زمین کے مالک ہونے کی صورت میں متعلقہ دستاویزات، کرایہ دار کی صورت میں لیز ڈیڈ یا اپنا گھر ہونے کی صورت میں رجسٹرڈ سیل ڈیڈ کو لازمی قرار دیا گیا ہے۔
حکم نامے میں کہا گیا ہے کہ اگر الیکشن کمیشن آف انڈیا کے طے کردہ پیرامیٹرز کے مطابق مذکورہ بالا دستاویزات میں سے کوئی بھی دستیاب نہیں ہے تو افسر موقع پر جا کر متعلقہ شخص کی رہائش گاہ کی جانچ کر سکتا ہے۔ اس آپشن کے تحت ڈی سی جموں نے ضلع کے تمام تحصیلداروں کو یہ حق دیا ہے کہ اگر ان کے پاس ایسا کوئی معاملہ آتا ہے تو وہ ضروری چھان بین کے بعد رہائش کا سرٹیفکیٹ جاری کر سکتے ہیں اور اسی بنیاد پر نئے ووٹروں کے نام کا اندراج کیا جائے گا۔ ڈی سی کے اس حکم سے ان لوگوں کو فائدہ پہنچے گا جو جموں و کشمیر کے ڈومیسائل ہیں لیکن فی الحال اپنے آبائی علاقے میں مقیم نہیں ہیں اور موجودہ علاقے سے ووٹ ڈالنا چاہتے ہیں۔ جموں کے ڈپٹی کمشنر کی طرف سے رجسٹریشن کے لیے کاغذات کی منظوری کے لیے جاری کردہ لیٹر بطور انتخاب کنندگان تمام تحصیلداروں کو یہ اختیار دیتا ہے کہ وہ جموں میں رہنے والے لوگوں کو "ایک سال سے زیادہ عرصے سے” رہائش کا سرٹیفکیٹ جاری ہے۔
واضح رہے کہ گذشتہ روز جموں کے نرواچن بون میں آج چیف الیکٹورل آفیسر جموں کشمیر ہردیش کمار نے ایک پریس کانفرنس منعقد کی، جس میں انہوں نے کہا کہ جموں و کشمیر میں آئندہ اسمبلی انتخابات میں غیر مقامی لوگ ووٹ ڈال سکتے ہیں جو جموں و کشمیر میں سرکاری نجی یا مزدوری کرنے کی غرض سے کام کررہے ہیں۔ اب جموں کشمیر میں ووٹ کا اندراج کرستے ہیں تاہم بیرون ریاست کے لوگ کچھ شرائط پر ووٹر سلپ حاصل کرسکتے ہیں جن میں ڈومیسائل سرٹیفکیٹ شامل ہے۔ جموں و کشمیر کے چیف الیکٹورل آفیسر نے کہا کہ مرکز کے زیر انتظام علاقے میں تقریباً 25 لاکھ نئے ووٹرز کے اندراج کی امید ہے کیونکہ 2019 میں دفعہ 370 کی منسوخی کے بعد پہلی بار انتخابی فہرستوں کی خصوصی سمری پر نظرثانی کی جا رہی ہے۔
