امت نیوز ڈیسک //
سرینگر // روشنی کے تہوار ” دیوالی “ کے موقعہ پر لیفٹنٹ گورنر منوج سنہا نے عوام کو مبارک باد پیش کی ہے ۔سماجی رابطہ عامہ کی وئب سائٹ ٹویٹر پر اپنی ایک ٹویٹ میں لیفٹنٹ گورنر منوج سنہا نے لکھا”دیپاولی کے پُرمسرت موقع پر عوام کو مبارکباد۔ دعا ہے کہ روشنیوں کا یہ تہوار سب کے لیے خوشی، خوشی، امن اور خوشحالی لائے اور ترقی اور فلاح کی راہ روشن کرے“۔ ادھر دیگر کئی سیاسی جماعتوں کے لیڈران نے بھی عوام کو دیوالی کے موقعہ پر مبادک باد پیش کی ہے ۔ جموں کشمیر نیشنل کانفرنس کے صدر ڈاکٹر فاروق ، نائب صدر عمر عبد اللہ ، پی ڈی پی صدر محبوبہ مفتی ، جموں کشمیر اپنی پارٹی کے صدر سید الطاف بخاری سمیت دیگر سیاسی لیڈران نے دیوالی کے موقعہ پر عوام کو مبارک باد پیش کرتے ہوئے دعا کی ہے کہ روشنیوں کا یہ تہوار جموں کشمیر میں امن و امان لیکر آئیں ۔
