امت نیوز ڈیسک//
سرینگر:نیشنل کانفرنس کے صدر اور رکن پارلیمان ڈکٹر فاروق عبداللہ نے کہا کہ شیخ محمد عبداللہ اور سابق وزیر اعظم جواہر لال نہرو کی قربانیوں اور بے لوث خدمات کو کبھی فراموش نہیں کیا جاسکتا ہے۔”بی جے پی والوں کو اپنے نفرت بھرے بیانات سے پرہیز کرنا چاہے اگر ہم منہ کھولے گے تو ٹک نہیں پائے گے”۔ڈاکٹر فاروق عبداللہ نے ان باتوں کا اظہار سرینگر میں ایک تقریب کے حاشے پر میڈیا نمائندوں کے ساتھ بات چیت دوران کیا۔
کشمیری غلام نہیں ہیں بلکہ جموں و کشمیر ملک کا تاج ہے، ڈاکٹر فاروق عبداللہڈاکٹر فاروق عبداللہ نے کہا کہ شیخ محمد عبداللہ پر تنقید اور بے معنی بیانات دینے والوں کو یہ بات ذہن نشین کرنی چاہیے کہ قوم کے تئیں ان کی قربانیوں کو کبھی بھی فراموش نہیں کیا جا سکتا ہے۔وہ شیخ عبداللہ ہی تھے جنہوں نے یہاں کے لوگوں کو اپنا مقام اور وقار دلوایا۔
انہوں نے کہا کہ آج دنیا کی کوئی ایسی جگہ نہیں جہاں کشمیری اپنی صلاحیت اور قابلیت کا لوہا نہیں منوا رہے ہیں، اعلی منصبوں پر فائز نہیں ہیں اور یہی نہیں بلکہ سر اٹھا کر بات کرتے ہیں۔ آج یہ سب یوں ہی دیکھنے کو نہیں مل رہا ہے اس کے پیچھے محنت اور قربانیاں ہیں۔ ڈاکٹر فاروق عبداللہ نے کہا کہ شیخ محمد عبداللہ کی گراں قدر خدمات اور قربانیوں کو کوئی بھی بھول نہیں سکتا ہے اور نہ تاریخ بھولنے دے گی۔ انہوں نے کہا کہ جموں وکشمیر کے لوگ غلام نہیں ہیں بلکہ جموں وکشمیر ملک کا تاج ہے اور ہمیشہ تاج ہی بن کے رہے گا۔
ایک سوال کے جواب میں انہوں نے کہا کہ تاریخ کو بدلا نہیں جاسکتا ہے اور تاریخ گواہ ہیں کہ 17برس ملک کے وزیر اعظم رہے جواہر لال نہرو کی بدولت آج ملک ترقی یافتہ ہے ۔ایک وقت میں بھارت میں سوئی تک باہر سے منگوانی پڑتی تھی۔ملک میں صنعتی انقلاب لانے اور بھارت کو اٹمی طاقت بنانے والے جواہر لال نہرو ہی تھے۔ جواہر نہرو پر تنقید کرنے والوں کو تاریخ کا مطالع کرنا کی ضرورت ہے۔
