امت نیوز ڈیسک//
سرینگر:کُل جماعتی حریت کانفرنس کے چیرمین میر واعظ ڈاکٹر مولوی محمدعمر فاروق کو ایک بار پھر 2023 کے لئے رائل اسلامک اسٹریٹجک اسٹڈیز سنٹر ، اردن (Royal Islamic Strategic Studies Centre, Jordan)نے دنیا بھر کی 500 بااثر مسلم شخصیات کی فہرست میں منتخب کیا ہے۔
اس حوالے سے کل جماعتی حریت کانفرنس نے اپنے ایک بیان میں کہا ہے کہ میر واعظ کو دنیا کے 500 بااثر مسلمانوں میں شامل کرنے کی آر آئی ایس ایس سی اردن کی سیاسی گروپ کی جانب سے مسلسل نویں بار درجہ بندی کے تحت موصوف کا انتخاب عمل میں آیا ہے۔
مذکورہ فہرست میں مذہب، سیاست، مالیات، تہذیب و ثقافت اور دیگر شعبوں سے تعلق رکھنے والی نامور شخصیات کو شامل کیا گیا ہے اور امسال اہم شخصیات میں سعودی عرب کے شاہ سلمان، ایران کے آیت اللہ خامنہ ای، ترکی کے صدر طیب اردغان اور اردن کے شاہ عبداللہ وغیرہ شامل ہیں۔
آر آئی ایس ایس سی اردون کی میرواعظ بھارت اور پاکستان دونوں ممالک کے ساتھ بات چیت کی وکالت کر رہے ہیں تاکہ دیرینہ مسئلہ کشمیر کے دائمی حل کے حوالے سے کشمیری عوام کی خواہشات اور امنگوں کو پورا کیا جا سکے۔
قابل ذکر ہے کہ رائل اسلامک اسٹریٹجک اسٹڈیز سنٹر ایک آزاد تحقیقی ادارہ ہے جوRoyal Aal al-Bayt Institute for Islamic thought سے وابستہ ہے اور یہ ایک بین الاقوامی اسلامی غیر سرکاری ادارہ ہے جس کا صدر دفتر اردن کے دارالحکومت عمان میں ہے۔
بتادیں علیٰحدگی پسند رہنما میر واعظ مولوی محمد عمر فاروق کو اگست 2019 میں جموں و کشمیر کی نیم خود مختاری کی دفعہ 370 اور 35 اے کے خاتمے سے قبل ہی انتظامیہ نے گھر میں نظر بند کر دیا تھا۔
