سرینگر:شیر کشمیر یونیورسٹی آف سائنس اینڈ ٹیکنالوجی میں وائرل انفیکشن کے اثرات پر دو روزہ بین الاقوامی کانفرنس منعقد ہونے جارہی ہے۔ 5 نومبر کو شروع ہونے والی اس بین الاقوامی کانفرنس میں ابھر رہے وائرل انفکیشنز متاثر کرنے والے انسانوں ،جانوروں، پودوں، مچھلیوں اور ماحولیات پر پڑنے والے اثرات کے موضوعات پر بات ہوگی۔
یہ کانفرنس امسال زرعی یونیورسٹی میں منعقد ہونے والی انڈین وائرولوجیکل سوسائٹی کے سالانہ کنونشن کا حصہ بھی ہو گی۔ پی جی آئی چندی گڑھ کے وائرولوجسٹ اور سائنسدان ڈاکٹر آر کے راٹھو سمیت ڈائریکٹر سکمز صورہ پروفیسر پرویز اے کول، ڈاکٹر پرگیہ یادو،این آئی وی پونے پروفیسر این این برمن کے علاوہ اے اے یو آسام کے ڈاکٹر انیر بن رائے کانفرنس میں کلیدی مقررین میں ہوں گے۔اس کانفرنس میں قومی اور بین الاقوامی سطح پر مختلف شعبوں سے تعلق رکھنے والے سائنسدان شرکت کررہے ہیں تاکہ اس طرح وائرل انفکشنز کے لیے پیشگی اقدامات اور کنڑول کئے جانے کے اقدامات اور آسانی سے دستیاب تشخیصی اور علاج پر تبادلہ خیال کیا جاسکے۔
