امت نیوز ڈیسک //
سرینگر / / اننت ناگ میں دو غیر مقامی مزدوروں پر حملے کی سخت الفاظ میں مذمت کرتے ہوئے ایڈیشنل ڈائریکٹر جنرل آف پولیس کشمیر زون وجے کمار نے کہا کہ ملوثین کو کسی بھی صورت میں بخشا نہیں جائے گا اور انہیں جلد ہی انصاف کے کٹہرے میں کھڑا کیا جائے گا ۔ جنوبی ضلع اننت ناگ کے دیلگام علاقے میں جمعرات کی شام دیر گئے مشتبہ ملی ٹنٹوں نے دو غیر مقامی مزدوروں کو نشانہ بنا کر ان پر نزدیک سے فائرنگ کی جس کے نتیجے میں وہ شدید طور پر زخمی ہو گئے ۔ ادھر واقعہ کی سخت الفاظ میں مذمت کرتے ہوئے اے ڈی جی پی کشمیر زون رجے کمار نے کہا کہ یہ انسانیت سوز واقعہ ہے ۔ انہوں نے کہا کہ دونوں کو ملی ٹنٹوں نے کسی کام سے باہر بلایا اور جیسے ہی وہ وہاں سے باہر آئے تو دونوں پر پستول سے نزدیک سے فائرنگ کی گئی جس کے نتیجے میں وہ شدید طور پر زخمی ہو گئے ۔ اے ڈی جی پی وجے کمار نے کہا کہ واقعہ میںملوث افراد کی نشاندہی کرنے کیلئے ہم ترجیحی بنیادوں پر کام کر رہے ہیں اور جو کوئی بھی ملوث ہوگا ان کو کسی بھی صورتحال میں بخشا نہیں جائے گا ۔ انہوں نے کہا کہ ملوثین کو جلد ہی انصاف کے کٹہرے میں کھڑا کیا جائے گا ۔ اے ڈجی جی پی کشمیر وجے کمار نے کہا کہ اس طرح کے واقعات نا قابل برداشت ہے اور سیکورٹی فورسز کی کامیابی کارروائی کے باعث ملی ٹنٹوں میں ذہنی بوکھلاہٹ آچکی ہے جس کے نتیجے میں وہ ایسی کارروائیاں انجام دیتے ہیں ۔
