امت نیوز ڈیسک ///
سرینگر//جموںکشمیر کے لیفٹیننٹ گورنر منوج سنہانے کہا ہے کہ سرکار جموں کشمیر کے کسانوں اور کاشتکاروں کی ترقی کےلئے کام کررہی ہے ۔ انہوں نے کہاکہ کاشتکاری کی طرف خصوصی توجہ دی جارہی ہے جس کے نتیجے میںجموںکشمیر میں زرعی سیکٹر میں نمایاں بہتری دیکھنے کو مل رہی ہے اور ہر قسم کی فصلوں میں اضافہ دیکھنے کو مل رہا ہے ۔ ایل جی منوج سنہا نے کہا کہ زرعی سیکٹر میں روزگار کے بے شمار مواقعے دستیاب ہے تاہم اس طرف توجہ دینے کی ضرورت ہے اور اگر نوجوان زرعی شعبہ کو اپنے لئے روزگار کا ذریعہ بنائیں گے تو وہ دوسروں کےلئے روزگار فراہم کرنے کے اہل بن جائیں گے ۔ لیفٹیننٹ گورنر نے جموں میں کسان میلے کے افتتاح کے دوران کہا کہ جموں کشمیر میں گزشتہ چند برسوں سے کاشتکاروں کو مرکزی سکیموں کے تحت جدید ٹیکنالوجی اور سائنسی طریقہ کار اپنانے کی طرف راغب کیا جارہا ہے ۔ اس میلے میں پنجاب، ہماچل پردیش، ہریانہ، اتر پردیش، دہلی، اتراکھنڈ، راجستھان سے کسان میلے میں شرکت کے لیے پہنچ رہے ہیں۔ سی این آئی کے مطابق جموں و کشمیر کے لیفٹیننٹ گورنر منوج سنہا نے جمعرات کو فیتہ کاٹ کر میلے کا افتتاح کیا۔ پنجاب، ہماچل پردیش، ہریانہ، اتر پردیش، دہلی، اتراکھنڈ، راجستھان سے کسان میلے میں شرکت کے لیے پہنچ رہے ہیں۔کسان میلہ آج شیر کشمیر یونیورسٹی آف ایگریکلچر سائنس اینڈ ٹیکنالوجی سکاسٹ، چٹھہ، جموں کے مرکزی کیمپس میں شروع ہو گیا ہے۔ جموں و کشمیر کے لیفٹیننٹ گورنر منوج سنہا نے جمعرات کو فیتہ کاٹ کر میلے کا افتتاح کیا۔ یہ میلہ 21 نومبر تک جاری رہے گا۔اس بار میلے میں زراعت اور ٹیکنالوجی میں ہونے والی تبدیلیوں پر توجہ مرکوز کی گئی ہے۔ سکولوں، کالجوں اور یونیورسٹیوں کے طلباءبھی شرکت کے لیے آئے ۔ شہری علاقوں کے طلباءبھی کھیتی باڑی کے بارے میں معلومات لے رہے ہیں۔ میلے میں کسانوں کی بڑی تعداد شرکت کرے گی۔ اس کے علاوہ صنعتی، دیہی نوجوان، خواتین اور دیگر موجود ہوں گے۔ ہر ایک کو زراعت، باغبانی اور مویشی پالن کے جدید طریقوں سے آگاہ کیا جائے گا۔ اس سے وہ اپنی آمدنی میں اضافہ کر سکیں گے۔اس میں پانچ پدم شری کسان کشنا یادو، پوجا شرما، رام شرن اور دیگر شرکت کریں گے اور اپنے خیالات کا اظہار کریں گے۔ پنجاب، ہماچل پردیش، ہریانہ، اتر پردیش، دہلی، اتراکھنڈ، راجستھان سے کسان میلے میں شرکت کے لیے پہنچ رہے ہیں۔ اس کے علاوہ سیلف ہیلپ گروپس کے لیے الگ سے سامان ڈسپلے کرنے کے لیے کارنر کی سہولت دی گئی ہے۔ مختلف مصنوعات یہاں آویزاں ہیں۔میلے میں آرگینک کھیتی کے علاوہ پھول، اسٹارٹ اپ اسکیم، خود انحصار ہندوستان، کسان گوشٹھی، بیج فراہم کرنے، پھلوں اور پھولوں کی نمائش، پھل، جانوروں اور کتوں کے شو کا اہتمام کیا گیا ہے۔ اس کے ساتھ ساتھ مصوری مقابلہ، مضمون نویسی اور آگاہی پروگرام کا انعقاد کیا جا رہا ہے۔
