امت نیوز ڈیسک //
سرینگر:نیشنل کانفرس صدر ڈاکٹر فاروق عبداللہ نے پارٹی کے عہدے سے اسعفتی دے دیا ہے اور نئی صدر کا انتخاب پانچ دسمبر کو کیا جائے گا۔ فاروق عبداللہ گزشتہ کئی دہائیوں سے نیشنل کانفرنس کے صدر تھے تاہم انہوں نے منگل کو پارٹی صدر دفتر نوائے صبح میں لیڈران کے ساتھ میٹنگ کے بعد اپنے عہدے سے استعفی دیا ہے۔ بتایا جاتا ہے کہ فاروق عبداللہ نے یہ فیصلہ اپنی عمر اور صحت کو مد نظر رکھتے ہوئے کیا ہے۔
نیشنل کانفرس ذرائع کا کہنا ہے کہ عمر عبداللہ پارٹی کے نئے صدر منتخب کئے جاسکتے ہیں، تاہم پانچ دسمبر کو انتخابات ہونگے، عمر عبداللہ اس وقت پارٹی کے نائب صدر ہیں، نیشنل کانفرس کے ترجمان اعلٰی تنویر صادق نے کہا کہ نئے صدر کے انتخابات کے لئے جلد نوٹیفیکیشن جاری کی جائے گی تاکہ امیدواروں کے کاغذات نامزدگی کا عمل شروع ہو۔ انکا کہنا ہے کہ انتخابات پانچ دسمبر کو پارٹی کے بانی مرحوم شیخ عبداللہ کے قبرستان حضرت بل میں منعقد ہوں گے۔
