امت نیوز ڈیسک //
سرینگر:سرینگر کی ٹاڈا عدالت نے جمعہ کے روز "کشمیر فائٹ بلاگ” کیس کے سلسلے میں ملوث دو افراد کو ضمانت دی ہے۔اسپیشل ایڈیشنل اینڈ سیشن جج ٹاڈا/پوٹا سرینگر منجیت سنگھ منہاس استغاثہ اور دفاعی وکیل کو سن کر کیس کے ملزمین تابش اکبر رحمانی اور پیرزادہ رقیب مخدومی کو دو لاکھ روپے کے ضمانتی مچلکے جمع کرانے پر عبوری ضمانت منظور کی ہے۔
منجیت سنگھ منہاس نے کہا کہ دونوں فریقین کو سنا گیا اور چالان کا بھی جائزہ لیا گیا۔ مقدمے کی سماعت شروع ہو چکی ہے اور ٹھوس گواہوں کے بیانات قلمبند ہو چکے ہیں اور استغاثہ کے گواہوں کے بیانات عدالت میں داخل کر لیے گئے ہیں۔عدالت نے دونوں ملزمان تابش اکبر رحمانی اور پیرزادہ رقیب مخدومی کو 17 دسمبر 2022 تک عبوری ضمانت دی ہے وہیں ایک اور ملزم محمد اکبر صوفی کے حوالے سے درخواست ضمانت کو فی الحال موخر کر دیا گیا ہے۔عدالت نے دونوں ملزمان کو پیشگی اجازت کے بغیر ریاست اور اپنی رہائش گاہ تبدیل نہ کرنے کی ہدایت دی ہے۔
مزید پڑھیں:ٹھوس شواہد کے بعد 4 صحافیوں کو گرفتار کیا جائے گا: آئی جی پی کشمیرواضح رہے کہ 7 جولائی 2021 کو جموں و کشمیر پولیس نے ایک آن لائن بلاگ سائٹ چلانے والے پانچ افراد کو گرفتار کرنے کا دعویٰ کیا تھا۔
