امت نیوز ڈیسک //
نئی دہلی: سپریم کورٹ کشمیر کے پنڈتوں کی مبینہ نسل کشی کی ایس آئی ٹی (خصوصی تحقیقاتی ٹیم) سے جانچ کی مانگ کرنے والی روٹس ان کشمیر (آر آئی کے) کی کیوریٹو پٹیشن پر 22 نومبر کو سماعت کرے گا۔ سپریم کورٹ کی جانب سے 27 سال کی تاخیر کی بنیاد پر 2017 میں نظرثانی کی درخواست کو خارج کرنے کے بعد آر آئی کے کو یہ عرضی عدالت عظمیٰ میں داخل کرنی پڑی۔ کیوریٹیو پٹیشن کسی معاملے میں بھارتی عدالتی طریقہ کار میں آخری قانونی علاج ہے۔ روٹس ان کشمیر، کشمیری پنڈتوں کی نسل کشی سمیت کئی مسائل کے لیے لڑنے کے لیے کشمیری پنڈت نوجوانوں کی جانب سے شروع کی گئی ایک پہل ہے۔
درخواست میں کہا گیا ہے کہ اگر 1984 کے سکھ مخالف فسادات کے مقدمات 35 سال بعد دوبارہ کھولے جا سکتے ہیں تو پھر کشمیر کے پنڈتوں کے ‘قتل عام’ کے مقدمات کو دوبارہ کیوں نہیں کھولا جا سکتا۔ انسانیت کے خلاف جرائم میں کوئی پابندی کی مدت نافذ نہیں ہوتی ہے۔” آر آئی کے کی عرضی میں کہا گیا ہے اور سپریم کورٹ سے ان ‘نسل کشی’ کے مقدمات کی ایس آئی ٹی تحقیقات کے لیے درخواست کی گئی ہے۔ چیف جسٹس آف انڈیا ڈاکٹر دھننجے یشونت چندرچوڑ کی سربراہی والی سپریم کورٹ کی تین ججوں کی بنچ میں جسٹس سنجے کشن کول اور جسٹس عبدالنذیر بھی شامل ہیں۔
(یو این آئی)
