امت نیوز ڈیسک //
وادی کشمیر میں گزشتہ شب سے میدانی علاقوں اور کوہساروں میں برفباری ہونے کے بعد خشک سرد موسم میں تبدیلی واقع ہوئی ہے جب کہ درجہ حرارت میں کافی بہتری آئی ہے۔ وادی میں گزشتہ کئی ہفتوں سے موسم مسلسل خشک تھا، جس کی وجہ سے خاص طور پر رات کے درجہ حرارت میں کافی کمی واقع ہوئی تھی، منفی درجہ حرارت کے سبب معمول زندگی متاثر ہو رہی تھی۔ شدید سردی کی وجہ سے لوگ خصوصاً بچے اور عمر رسیدہ افراد بیمار ہو رہے تھے، تاہم بارش ہونے کے بعد موسم میں کافی بہتری آئی ہے جب کہ شبانہ درجہ حرارت میں بھی اضافہ ہوا ہے، جس کے بعد لوگوں نے راحت کی سانس لی۔
وادی میں بارش اور ہلکی برف باریلوگوں کا کہنا ہے کہ موسم میں بہتری آتے ہی انہیں کافی حد تک راحت ملی ہے، خشک سردی کی وجہ سے معمول زندگی کافی متاثر ہوئی تھی۔ انہوں نے کہا کہ بارشوں کے بعد وائرل بیماریوں سے بھی نجات ملے گی۔ واضح رہے کہ محکمہ موسمیات نے 11 دسمبر سے 20 دسمبر تک موسم خشک رہنے کی پیشن گوئی کی ہے۔
