امت نیوز ڈیسک //
سرینگر // جموں کشمیر کے گرمائی دارالحکومت سری نگر میں آنگن واڑی ور کروں اور ہیلپروں نے اپنی مانگوں کو لے کر احتجاجی مظاہرے گئے۔
اطلاعات کے مطابق آنگن واڑی ورکروں اور ہیلپروں کی ایک بڑی تعداد نے ہفتے کے روز سری نگر کی پریس کالونی میں احتجاج کیا۔ نامہ نگاروں سے بات چیت کے دوران مظاہرین نے کہا کہ ایل جی انتظامیہ کی جانب سے آنگن وارڈی ورکروں کی ریٹائر منٹ حد 60 سال مقرر کی گئی ہے جو ہمارے ساتھ نا انصافی ہے۔
انہوں نے کہا کہ ملک کی دیگر ریاستوں میں 65 سال کی حد مقرر ہے لیکن جموں و کشمیر یوٹی میں اس کے برعکس ہو رہا ہے۔ ان کے مطابق انتظامیہ نے ہمیں سر پنچوں اور کو نسلروں کے حوالے کیا جو ہمیں قطعی منظور نہیں ہے۔
انہوں نے مزید بتایا کہ ہم سینٹر کی اسکیموں کو عملی جامہ پہنا کر لوگوں تک پہنچاتے ہیں اگر ہماری بات نہیں مانی گئی تو کر پشن بڑھے گا۔ انہوں نے کہا کہ آنگن واڑی ورکروں اور ہیلپروں کے لئے پنشن اسکیم لاگو ہونی چاہئے اور جس طرح سے باقی ملازمین کو پینشن مراعات دی جارہی ہیں اسی طرح آنگن واڑی وکر روں کو بھی ملنی چاہئے۔
