امت نیوز ڈیسک //
پہاڑی ضلع کشتواڑ سے تعلق رکھنے والے ایک طالبہ نے قابل فخر کارنامہ انجام دیتے ہوئے ایک ہی سال میں نیٹ اور سیٹ امتحانات میں کامیابی حاصل کرکے ایک مثال قائم کی ہے۔ کشتواڑ: پہاڑی ضلع کشتواڑ سے تعلق رکھنے والی آبرو فاطمہ قاضی نے قابل فخر کارنامہ انجام دیتے ہوئے ایک ہی سال میں نیٹ اور سیٹ امتحانات میں کامیابی حاصل کر لی ہے۔ قصبہ کشتواڑ سے تعلق رکھنے والی آبرو اس وقت کشمیر یونورسٹی سے لائف ساینس میں پی ایچ ڈی کی ڈگری حاصل کر رہی ہے۔ آبرو نے سال کے اوائل میں جے آر ایف، نیٹ کا امتحان پاس کیا اور اب جے کے سیٹ کا امتحان بھی پاس کرکے ہے وہ لائف سائنس میں دونوں امتحانات پاس کرنے والی پہلی لڑکی بن گئی ہے۔
سیاسی سماجی تنظیموں کی جانب سے آبرو فاطمہ اور ان کے اہل خانہ کو مبارکباد پیش کرنے کا سلسلہ جاری ہے۔ آبرو کو نوجوانوں خاص کر طالبات کے لیے آئیڈیل قرار دیا جا رہا ہے۔ واضح رہے کی جے ار ایف، نیٹ، امتحانات نیشنل ٹیسٹنگ ایجنسی (NTA) کی جانب سے منعقد کیے جاتے ہیں جب کہ جے کے سیٹ امتحانات پی ایس سی کے زیر اہتمام منعقد کیا جاتا ہے۔ امسال کشتواڑ ضلع سے کئی نوجوانوں نے سیٹ کا امتحان پاس کیا ہے۔ بیشتر کا تعلق دور افتادہ علاقہ جات سے ہے۔
