امت نیوز ڈیسک //
سری نگر: جنوبی کشمیر کے ضلع شوپیاں کو صوبہ جموں کے ضلع پونچھ کے ساتھ جوڑنے والے تاریخی مغل روڈ کو تازہ برف باری کے نتیجے میں ٹریفک کی نقل و حمل کے لئے بند کر دیا گیا ہے۔ ٹریفک حکام نے بتایا کہ تاریخی مغل روڈ کو تازہ برف باری کے پیش نظر ٹریفک کی نقل و حمل کے لئے بند کر دیا گیا ہے۔
معلوم ہوا ہے کہ جمعرات کے روز مغل شاہراہ پر تازہ برف باری کے باعث پھسلن پیدا ہوئی جس کو دیکھتے ہوئے حکام نے شاہراہ پر ٹریفک کی نقل وحمل روک دی۔ دریں اثنا وادی کشمیر کو ملک کے باقی حصوں کے ساتھ جوڑنے والی سری نگر- جموں قومی شاہراہ پر ٹریفک کی نقل و حمل حسب معمول جاری ہےبتادیں کہ محکمہ موسمیات نے جمعرات کی شام سے وادی کے پہاڑی اور میدانی علاقوں میں برف باری کی پیش گوئی کی ہے۔(یو این آئی)
