امت نیوز ڈیسک //
کانگریس کی بنیادی رکنیت سے استعفی دے کر سابق وزیر اعلی غلام نبی آزاد کی قیادت والی پارٹی میں شامل ہونے والے کم از کم 17 رہنما جمعہ کو نئی دہلی میں دوبارہ کانگریس میں شامل ہو گئے۔
یادر ہے کہ ان رہنماوں نے سابق وزیر اعلی غلام نبی آزاد کی حمایت کے لیے استعفیٰ دے دیا تھا، آزاد نے بعد میں اپنی پارٹی ڈیمو کر یک آزاد پارٹی بنائی، جسے اب ڈیموکریٹک پروگریسو آزاد پارٹی کا نام دیا گیا ہے۔ نئی دہلی میں منعقدہ ایک پریس کانفرنس میں سابق نائب وزیر اعلی انار ایچند اور سابق وزیر پیر زادہ محمد سعید ان 17 رہنماؤں میں شامل تھے ، جنہوں نے آج دوبارہ کانگریس میں شمولیت اختیار کی۔ ان رہنماؤں میں تارا چند ، پیر زادہ محمد سعید ، بلوان سنگھ ، ایڈوکیٹ مظفر پرے، ایڈوکیٹ موہندر بھر دواج، بھوشن ڈوگرہ، ویرود شرما، نریندر شرما، نریش شرما، امریش منگوتره، سبھاش بگھاٹ ، سنتوش مهاس، بدری ناتھ شرما،ورون منگوتره ، انورادھا شرما اور وجے سر گوترہ شامل ہیں۔ ایم پی راجیہ سبھا اور اے آئی سی سی جنرل سکریٹری ( تنظیم) کے سی وینو گوپال، کی موجودگی میں ان لیڈروں نے دوبارہ پارٹی میں شمولیت اختیار کی ہے۔
انہوں نے کہا کہ جموں و کشمیر سمیت ملک بھر کے ان لیڈروں اور لوگوں نے بھی بھارت جوڑو یا ترا کی حمایت کی ہے۔
