امت نیوز ڈیسک //
لدھیانہ: بھارت جوڑو یاترا میں راہل گاندھی کے ساتھ چل رہےکانگریس کے رکن پارلیمان سنتوکھ سنگھ کا انتقال ہوگیا۔ بھارت جوڑو یاترا کے دوران اچانک ان کی طبیعت بگڑ گئی۔ انہیں پھگواڑہ کے ویرک ہسپتال لے جایا گیا۔ جہاں ان کی موت ہو گئی۔ وہ کانگریس لیڈر راہل گاندھی کے ساتھ چل رہے تھے تبھی ان کے دل کی دھڑکن تیز ہو گئی۔ راہل گاندھی بھارت جوڑو یاترا روک کر ہسپتال پہنچے۔ راہل گاندھی کا یاترا آج صبح 7 بجے لدھیانہ کے لوڈووال سے شروع ہوا۔ سنتوکھ سنگھ جالندھر سیٹ سے کانگریس کے ایم پی تھے۔ وہ 18 جون 1946 کو پیدا ہوئے اور وہ سیاست کے علاوہ وکالت کے پیشے میں بھی سرگرم رہے۔
یاترا کو صبح 10 بجے جالندھر کے گورایا پہنچنا تھا، جہاں دوپہر کے کھانے کا انتظام کیا گیا تھا۔ اس کے بعد یاترا سہ پہر 3 بجے دوبارہ شروع ہوتی اور پھگواڑہ بس اسٹیشن کے قریب شام 6 بجے رکنے والا تھا۔ آج یاترا کا رات کا آرام کپورتھلا کے کونیکا ریسورٹ کے قریب مہات گاؤں میں تھا، لیکن آج صبح تقریباً 9.30 بجے کانگریس کے رکن پارلیمان سنتوکھ سنگھ چودھری کی موت کے بعد یاترا کو روک دیا گیا ہے۔ حالانکہ ابھی تک کانگریس کی طرف سے کوئی اعلان نہیں کیا گیا ہے کہ یاترا آج روک دی جائے گی یا راہل گاندھی دوبارہ یاترا میں شامل ہوں گے۔
واضح رہے کہ راہل گاندھی کی بھارت جوڑو یاترا 30 جنوری کو سری نگر، کشمیر میں ختم ہوگی۔ راہل گاندھی کشمیر کے لال چوک پر ترنگا لہرا کر یاترا کا اختتام کریں گے۔ کانگریس بھارت جوڑو یاترا کے اختتام پر اپوزیشن اتحاد کی طاقت دکھانا چاہتی ہے، جس کے لیے 21 جماعتوں کے رہنماؤں کو دعوت نامہ بھیجا گیا ہے۔
