امت نیوز ڈیسک //
پولیس نے شمالی کشمیر میں نوکری کا جھانسہ دے کر لوٹنے والے
ایک گروہ کا پردہ فاش کرنے کا دعوی کیا ہے۔ جموں و کشمیر پولیس نے ہفتہ کے روز کہا کہ شمالی کشمیر کے بارہمولہ ضلع کے پٹن علاقے میں دو افراد کو گر فتار کیا گیا ہے، جو خود کو سیاسی کارکن ظاہر کرتے ہوئے ، لوگوں کو سرکاری ملازمت فراہم کرنے کا دعوی کر کے بھاری رقم وصول کر رہے تھے۔
پولیس نے ایک بیان میں کہا، "11 جنوری کو ، پولیس کو اطلاع ملی کہ پیٹن کے علاقے سے دو خود ساختہ سیاسی کارکن سرکاری ملازمت اور تقرری نامہ فراہم کرنے کا جھانسہ دے کر نوجوانوں سے بھاری رقومات وصول کر رہے ہیں۔
بیان میں کہا گیا ہے کہ اطلاع ملتے ہی پولیس حرکت میں آگئی اور فوری طور پر پولیس تھانہ پیٹن میں قانون کی متعلقہ دفعات کے تحت مقدمہ درج کر لیا۔ پولیس ترجمان نے جایا، تفتیش کے دوران ، پولیس نے تمام تکنیکی اور انسانی ذہانت کو بروئے کار لاتے ہوئے بھر پور کوششوں کے بعد عبید نذیر صوفی اور محمد اقبال نامی دو ملزمان کو گر فتار کیا۔ پولیس نے کہا کہ پوچھ گچھ کے دوران معلوم ہوا کہ یہ ” گھپلے باز جموں و کشمیر پولیس میں نوکری دلانے کا جھانسہ دے کر عام لوگوں کو دھوکہ دے رہے تھے اور ان سے بھاری رقم لے رہے تھے "۔
انہوں نے کہا، نوکری نہ ملنے پر رقومات واپس مانگنے پر وہ لوگوں کو دھمکیاں دیتے تھے جس کی تحقیقات جاری ہے۔
